Honda Activa Electric Scooter Price and Range Details in Telugu: వాహన ప్రియులు ఎంతో ఆసక్తిగా ఎదురుచూస్తున్న హోండా యాక్టివా ఎలక్ట్రిక్ స్కూటర్ త్వరలో విడుదలకు సిద్దం అవుతుంది. హోండా కంపెనీ ఖచ్చితమైన లాంచ్ తేదీని వెల్లడించనప్పటికీ.. మార్కెట్ నిపుణులు 2024 మార్చిలో ఈ స్కూటర్ లాంచ్ కానున్నట్లు అంచనా వేస్తున్నారు.
ఈ హోండా యాక్టివా ఎలక్ట్రిక్ స్కూటర్లో ఫిక్స్డ్ బ్యాటరీ సెటప్ ఉండనున్నట్లు సమాచారం. ఈ స్కూటర్ టాప్ స్పీడ్ 100 కేఎంపీహెచ్ అని తెలుస్తుంది. స్పీడ్, పర్ఫార్మెన్స్ కన్నా.. హోండా కంపెనీ యాక్టివా ఈవీ రేంజ్పై ఎక్కువగా ఫోకస్ చేసినట్లు మార్కెట్ నిపుణులు తెలియజేస్తున్నారు.
హోండా యాక్టివా ఎలక్ట్రిక్ స్కూటర్ రేంజ్: దీనిని ఒక్కసారి ఛార్జ్ చేస్తే 200 కి.మీల దూరం వెళ్ళే విదంగా డిజైన్ చేసినట్లు సమాచారం. దీనిని ముఖ్యంగా మధ్య తరగతి ప్రజలు లక్ష్యంగా చేసుకొని తీసుకొని వస్తున్నారు.
యాక్టివా ఈ-స్కూటర్ బ్యాటరీ: అత్యాధునిక లిథియం-అయాన్ బ్యాటరీ ప్యాక్‌తో రానుంది. ఫాస్ట్ ఛార్జింగ్ సౌకర్యం కూడా ఉండనుంది.
యాక్టివా ఈ-స్కూటర్ ఫీచర్‌లు: దీనిలో LED లైటింగ్, సొగసైన డిజిటల్ ఇన్‌స్ట్రుమెంట్ క్లస్టర్, USB ఛార్జింగ్ పోర్ట్.. స్మార్ట్ కనెక్టివిటీ ఆప్షన్‌లతో సహా అనేక ఆధునిక సౌకర్యాల ఉండనున్నాయి.
హోండా యాక్టివా ఎలక్ట్రిక్ స్కూటర్ ధర: ఈ స్కూటర్ అధికారిక వివరాలు వెల్లడి కానప్పటికి.. సుమారుగా ₹1,00,000 మరియు ₹1,40,000 మధ్య ఉండే అవకాశం ఉన్నట్లు మార్కెట్ నిపుణులు అంచనా వేస్తున్నారు. ఇప్పటికే మార్కెట్లో ఉన్న ఓలా ఎస్1, టీవీఎస్ ఐక్యూబ్, బజాజ్ చేతక, ఏథర్ 450ఎక్స్ నుంచి హోండా యాక్టివా ఎలక్ట్రిక్ స్కూటర్ మరింత పోటీ ఎదుర్కోనుంది.
