Duplicate Pattadar Passbook: తెలంగాణలో భూ రిజిస్ట్రేషన్ ప్రక్రియను సులభతరం చేసేందుకు రాష్ట్ర ప్రభుత్వం 2020లో ధరణి పోర్టల్‌ను లాంచ్ చేసింది. ఈ పోర్టల్ ద్వారా ఆస్తి రిజిస్ట్రేషన్ మాత్రమే కాకుండా.. ల్యాండ్ మ్యూటేషన్, ల్యాండ్ రికార్డుల సెర్చ్, ఇతర భూ సంబంధిత సేవలకు సంబంధించి ధరణి పోర్టల్ ఒక గమ్యస్థానంగా మారింది. డిజిటల్‌గా ల్యాండ్ రికార్డులను తీసుకురావడంతో పారదర్శకత పెరిగింది.
(ఇది కూడా చదవండి: Cadastral Map: ధరణి పోర్టల్‌లో మీ ఊరి రెవెన్యూ నక్ష(Map) డౌన్‌లోడ్ చేసుకోండి ఇలా..?)
ఈ పోర్టల్ ద్వారా మీ పట్టాదార్ పాస్బుక్ పోతే కొత్త పట్టాదారు పాస్బుక్ కోసం ఎలా ధరఖాస్తు చేసుకోవాలో మీకు తెలుసా? ఆ వివరాలు ఇప్పుడు తెలుసుకుందాం..
పట్టాదార్ పాస్బుక్ Reprint కోసం ధరణి పోర్టల్‌లో ఎలా ధరఖాస్తు చేసుకోవాలి?
- ముందుగా ధరణి పోర్టల్ అధికారిక వెబ్సైట్ https://dharani.telangana.gov.in ను ఓపెన్ చేయాలి.
- స్క్రీన్ మీద ఉన్న Agriculture ఆప్షన్పై క్లిక్ చేయాలి.
- TM25 Application for duplicate PPBను ఎంపిక చేసుకోవాలి.. ఆ తర్వాత Click Here to Continue పై క్లిక్ చేయాలి
- ఆ తర్వాత మీ ధరణి పోర్టల్ లాగిన్ వివరాల ద్వారా లాగిన్ అవ్వాలి.
- TM25 Application for duplicate PPBను ఎంపిక చేసుకొని పట్టాదార్ పాస్బుక్ నెంబర్ ఎంటర్ చేయాలి.
- ఇప్పుడు Fetch బటన్పై క్లిక్ చేయాలి.
- ఆ తర్వాత మీ వ్యక్తిగత వివరాలు, మొబైల్ నెంబర్, కమ్యూనికేషన్ అడ్రసు నమోదు చేయాలి.
- ఇప్పుడు మీ క్రెడిట్ లేదా డెబిట్ కార్డు, ఇంటర్నెట్ బ్యాంకింగ్ ద్వారా పేమెంట్ చేయాల్సి ఉంటుంది.
- ఆ తర్వాత కొత్త పట్టాదారు పాస్బుక్ మీరు నమోదు చేసిన అడ్రసుకు పోస్టల్ ద్వారా వస్తుంది.
- Advertisement -
